(ФОТО) Четврти пораз во серија за МЗТ Скопје во АБА лигата



„Металците“ загубија пред своја публика од Црвена Звезда со 75:60, а решавачка беше втората четвртина која белграѓани ја добија со 13 поени разлика

ФОТО: Петр Стојановски

Екипата на МЗТ Скопје го доживеа и четвртиот пораз во АБА лигата откако попладнево загуби од Црвена Звезда со 75:60 (22:20; 14:27;11:9; 13:19).

Решавачката предност гостите од Белград ја направија во вториот период, кој го добија со 13 поени разлика.

За Црвена Звезда ова беше втора победа во шампионатот и со две победи и четири порази се изедначи со МЗТ Скопје, но поради подобрата кош разлика „црвено-белите“ ќе бидат подобро пласирани на табелата.

Најефикасни кај МЗТ Скопје со по 12 поени беа Тодор Гечевски и Ѓорѓи Чековски, додека за Црвена Звезда најпрецизни беа Игор Ракочевиќ и Рашко Катиќ кои имаа по 16 поени.

На вториот натпревар од 6. коло Цибона го победи Широки со 69:63.