15.12.2012, 13:43 Изложба на Иванка Ниневска-Јакимовска
Во „Мала станица“, вечерва во 19,30 часот ќе биде отворена изложба на дела на Иванка Ниневска-Јакимовска, насловена „Извор, инстинкт, интуиција“. Изборот на мотив на оваа тематска изложба е личен, субјективен, но колективно суштествен, а како што вели историчарката на уметност, Ирина Батев, поместените геометриски елементи со дислоцирани дискурси во изложените дела, прават магична и мистична композициска атмосфера на минатото искуство.
Иванка Ниневска-Јакимовска (1978) е родена во Скопје каде што и дипломирала на Факултетот за ликовна уметност, на отсекот сликарство со насока конзервација и реставрација и графички дизајн. Учествувала на повеќе групни изложби и ликовни колонии. (К.Б.)
|
