Пописот се прекинува и ќе започне од почеток

Коалициони партнери се согласиле дека во досегашниот дел од пописот биле доведени во прашање бројот на припадниците на етничките заедници во Македонија, поради што пописот целосно ќе се прекине, пренесува Канал 5.

Според заклучокот кој следел по средбата на коалиционите партнери, ако се дозволело пописот да продолжи вака на крајот немало да се добие реална бројка на населението, особено на етничките заедници, која би можела да го доведе во прашање процентот на албанско население од 25,2 % колку што беа избројани на минатиот попис.

Канал 5 пренесува владини информации, според кои Владата ќе достави до Собранието предлог за донесување закон за прекин на пописот кој ќе биде ставен на дневен ред кога ќе одлучи претседателот на собранието.

Ваквата одлука доаѓа како резултат на владиното решение во Македонија да се спроведе реален попис и да не се дозволи да има било какво прекршување на пописната методологија.

Коалиционите партнери за сега не договориле датум за нов попис. Тоа што е сигурно е дека попишувањето ќе почне од почеток и нема да важат досегашните податоци, пренесува Канал 5