(ФОТО) Фановите низ светот му оддадоа почит на Џобс




Пред продавниците на „Епл“ ширум светот, обожавателите положуваа цвеќе и палеа свеќи во чест на Стив Џобс, основачот на една од најинвентивните технолошки компании.

Фото: Ројтерс

Пред продавниците на “Епл“ во Сан Франциско и Њујорк па до Пекинг и Сиднеј се собираат обожавателите за да му оддадат почит на Стив Џобс кој почина вчера вечер.

За многу луѓе Џобс претставува симбол на упорност и успех, тој беше “човек пред своето време“ чии визии и производи како “Ајпод“, “Ајфон“ и “Ајпад“ влијаеа на животите на многу луѓе и како што напиша претседателот на САД, Барак Обама, тој го смени начинот на кој гледаме на светот.

Неговата генијалност ги магепса и најголемите конкуренти и противници, а колкав печат остави меѓу “обичните луѓе“ говорат и фотографиите снимени пред продавниците на “Епл“ во бројните светски градови.

Стив Џобс вчера вечер почина после долгогодишна борба со ракот на панкреас кој му беше дијагностициран во 2004 година.