06.10.2011, 12:07 Реакции по смртта на информатичкиот гениј и визионер
Смртта на Стив Џобс со еднаква тага ја дочекаа милиони корисници на неговите иновации, директори на технолошки компании и политичката елита.
Американскиот претседател Барак Обама наведе: Мишел и мене силно не растажи веста за неговата смрт. Стив беше еден од најголемите американски иноватори, доволно храбар да мисли поинаку и доволно самоуверен да мисли дека може да го немува светот, но и доволно талентиран тоа и да го направи.
- Стив Џобс беше личност со голема визија, со иновации и лидерство. Неговата смрт е загуба за Епл, но и за целата наша индустрија, наведоа од Ејсер.
- Стив Џобс беше голем пријател и доверлив советник...Зад него има милиони луѓе инспирирани со него. Го измени нашите животи и култура на една генерација. Беше оригинален - неверојатно креативен ум кој дефинираше ера, рече претседателот и извршен директор на Дизни.
- Многу сум тажен поради неговата смрт. Беше брилијантен човек. Со само неколку реченици можеше да каже се она што вие го размислувате долг временски период. Неговиот фокус на искуства на корисници секогаш ми беше инспирација. Беше многу љубезен и ми даде голема помош и совети кога станав извршен директор на Гугл, изјави Лери Пејџ од Гугл.
- Денес загубивме еден од најголемите и највлијателни креатори и бизнисмени на сите времиња. Едноставно, беше најдобриот извршен директор во својата генерација. Додека жалам за неговата смрт, мислам за неверојатното влијание на начинот на кој луѓето ги конзумираат медиумите и забавата, наведе Руперт Мардок, сопственик на Њуз корп.
- Многу сум тажен поради Џобс. Беше рамо до рамо со Хенри Форд и Едисон, напиша Алек Болдвин на Твитер.
Еден од ретките кои немаа коментар, беше биолошкиот татко на Стив Џобс, Абдулфатах Јандали.
- Ја слушнав веста. немам што да изјавам, рече неговиот татко кој никогаш не го запозна иако пред два месеца изрази таква желба.
|
