Обама го фали Медведев

Москва - Американскиот претседател Барак Обама изјави дека односите меѓу САД и Русија во изминатите две години се значително унапредени, а рускиот претседател Дмитриј Медведев е посветен патриот кој жестоко ги брани интересите на својата земја.  

Американскиот претседател во разговор за руските медиуми оцени дека Медведев „сфаќа дека патот на просперитетот на Русија оди преку соработката со надворешниот свет, билатерално и мултилатерално“.

Во интервју што го објавува  денешна „Русискаја газета“ по повод 50 роденден на Обама, најмногу зборови беа искажани за „ресетираните“ односи меѓу двете суперсили. 

„Мислам дека  е важно да се осврнеме на изминатите две години и да оддадеме признание за големиот напредок што го постигнавме. Уште како претседателски кандидат почнав да зборувам за ’ресетирање‘. Веднаш по изборите му пиша�� на претседателот Медведев и сметам дека воспоставивме многу успешна соработка на тој план“, рече Обама. 

Обама оцени дека иднината на Русија е во економијата, модернизацијата и новите технологии, нагласувајќи дека благодарение на меѓусебната соработка на двете држави, руските инженери можат да создадат сопствена Силиконска долина.