Со воз на море

По Бугарија и Црна Гора, „МЖ - Транспорт“ отвора соработка и со грчките железници за летни туристички тури до Егејското Море. Се преговара од пролет да се вклучи нов интерсити-воз од Скопје до Солун, од каде што, пак, би биле организирани автобуски тури до Халкидики и до аеродромот во Солун. Летово македонски туристи со воз можеа да патуваат и до Бар во Црна Гора и до Бургас и Варна, преку Софија, во Бугарија. Поради големиот интерес на патниците, сезонските линии, велат во „МЖ - Транспорт“ ќе функционираат и идната година.