Трговскиот магнат Туш најбогат Словенец и годинава

Љубљана - Мирко Туш, сопственик на истоимениот трговски синџир и годинава, е најбогат Словенец, со богатство проценето на 196,2 милиона евра што полека се намалуваат поради долговите, покажа истражувањето на списанието „Менаџер“.

Според резултатите од истражувањето објавено вчера, учеството на Туш во „Туш холдинг“ оваа година е за 42 отсто помалку вредно отколку лани.

Првите три места на листата на најбогати луѓе во Словенија останаа непроменети. Вториот е Игор Лах, кој стекна богатство со купување и продавање фирми за време на преминот на Словенија кон пазарната економија. И неговото богатство во последната година е намалено за 31 отсто, односно на 166,5 милиони евра.

Третиот на листата е Дарко Хорват, кој ја контролира групацијата за трговија на акциите „Актива холдингс“, со седиште во Холандија. Нивното богатство се проценува на 112,8 милиони евра во акции.

Истражувањето покажало дека кризата во изминатата година продолжила да зема данок кај словенечките богаташи. Вкупната вредност на имотот на стоте најбогати Словенци опаднала за 20 отсто, од 2,54 до 3,24 милијарди евра во 2008 година. (МИА)