Нема да слетаат бомби на нашите аеродроми

Нема зголемено ниво на безбедност на македонските аеродроми по случувањата со терористичките карго-пратки што минатата недела пристигнаа во САД и во Грција. „На ’Александар Велики‘ во Скопје и ’Св. апостол Павле‘ во Охрид нема опасност од пристигнување на ризични пратки, а секој карго-товар се прегледува според стандардите процедури“, информира директорот на скопскиот аеродром Зоран Илиевски. Според него, „Александар Велики“ поседува еден од најсигурните безбедносни системи во Европа. Тој информира дека по случувањата со пратките со експлозиви во САД се разгледани сите потенцијални ризици и оти за македонските аеродроми моментно нема опасност. (С.Н.)