Американците си одат од Авганистан

Од јули до декември ќе бидат повлечени 10.000 американски војници

Американскиот претседател Барак Обама во обраќањето до нацијата најави повлекување на американските војници од Авганистан, и покрај тоа што од Пентагон доби поинакви препораки

Американскиот претседател Барак Обама успеа да се спротивстави за задршките од страна на командантот на трупите на САД во Авганистан, Дејвид Петреус и министерот за одбрана, Робер�� Гејтс. „Почнувајќи од јули до декември ќе повлечеме 10.000 американски војници од Авганистан“. Уште 23 илјади, според американскиот претседател, ќе бидат повлечени најдоцна до септември наредната година. „Вкупно 33 илјади американски војници ќе се вратат од Авганистан“.

САД во изминатите десет години инвестираа еден билион долари во своите војни. Америка веќе не може да си дозволи силно присуство на трупите во кризните жаришта, смета претседателот.

Со оглед на тоа што по убиството на Осама бин Ладен е заслабената мрежата на Ал Каеда и американската офанзива е успешна против талибанците во Авганистан, американскиот претседател ќе се придружува до планот за континуирано повлекување на трупите и по 2012 година. „До 2014 година предавањето на власта во рацете на армијата и полицијата на Авганистан треба да биде завршен процес“, изјави американскиот претседател и најави дека американската борбена мисија ќе се претвори во мисија за поддршка.

Пентагон, пак, сакаше предавањето на улогите да одолжи колку што е можно повеќе. Командантот на трупите во Авганистан, Дејвид Петреус, повеќепати апелираше до претседателот да остави колку што е можно повеќе американски борбени трупи во Авганистан до крајот на идната година.

Експерти за Авганистан во Пентагон не се согласни со мировниот оптимизам на претседателот. Од нивни агол, стратегијата за повлекување на претседателот Обама е диктирана од чисто внатрешно-политички побуди, имено, од изборната кампања во Америка, уморна од војни и во големи долгови.  (Дојче веле)