Не е виновен за навредите на муслиманите

Холандскиот екстремно-десничарски ориентиран политичар Герт Вилдерс е ослободен од обвиненијата за поттикнување омраза против муслиманите. Вилдерс го опиша исламот како „фашистички“, споредувајќи го Коранот со „Мојата бораба“ на Хитлер. Тој инсистираше на тоа дека изјавите биле адресирани кон исламот, а не кон муслиманските верници – нешто што е законско, според холандските закони.

Судијата Марсел ван Остен му кажа ��ека неговите изјави се „прифатливи во контекст на јавна дебата“. И одбраната и обвинителството побараа ослободителна пресуда.

Членовите на малцинските групи што го иницираа случајот им кажаа на судиите дека коментарите на Вилдерс довеле до зголемување на дискриминацијата и насилството против муслиманите. Тужителите побараа симболична казна од едно евро. Тие наведоа дека ќе ја разгледаат можноста за изведување на нивниот случај пред Европскиот суд за човекови права.

Вилдерс беше обвинет за поттикнување омраза и дискриминација во јануари 2009 година, врз основа на голем број антиисламски изјави дадени во неговиот контроверзен филм „Фитна“ и во коментарите во медиумите. (Би-Би-Си)