Каде оди либискиот конфликт

Командантот на НАТО го отфрли повикот од Италија за одложување на непријателските дејства во Либија и се обиде да ги убеди нерешителните припадници на западната коалиција дека Моамер Гадафи може да биде поразен.

Американската државна секретарка Хилари Клинтон изјави дека опозицијата на Либија постигнува многу јасен напредок на теренот. Клинтон рече дека нема сомнение оти луѓето на Гадафи се „притиснати до ѕид“. Американскиот Претставнички до�� се очекува утре да гласа за предлогот да се прекине финансирањето за американските воени дејства во Либија, но не е познато дали таа мерка може да помине и веројатно нема да добие одобрување од Сенатот.

„Откако НАТО ја презеде командата за воздушни напади на 31 март, неговите авиони спроведоа 12.198 лета, од кои 4.613 борбени. Членките на НАТО што учествуваат во воздушните напади на Либија се Франција, Велика Британија, Канада, Данска, Норвешка, Белгија, Италија и САД.

Дваесет брода под команда на НАТО патролираат низ централното Средоземно Море за да го спроведат ембаргото на ОН за оружје. Во средата 14 брода беа запрени за да се утврдат дестинацијата и товарот. Пет беа проверени, а ниту еден не беше вратен.

Вкупно 1.486 брода се запрени, 114 проверени, а осум вратени од почетокот на ембаргото за оружје. (Ројтерс)