Адриан Северин мина како Зоран Талер

Брисел - Европскиот парламент го поддржи предлогот за одземање на имунитетот на романскиот европратеник Адриан Северин, исклучувајќи секакви форми на ограничување на неговата лична слобода.

Обвиненијата против Северин вклучуваат "пасивна" корупција и трговија со влијание, за кои пишуваше британскиот весник "Сандеј тајмс" во март оваа година.

Европратениците сметаат дека "одговорностите на ЕП не вклучуваат изразување мисле��е за тоа дали некој член на институцијата е виновен, ниту дали неговите активности се основа за да бидат ставени под судска одговорност".

На 21 март романската Национална дирекција за борба против корупцијата покрена обвинение против Северин врз основа на информација, според која во периодот меѓу декември 2010 и март 2011 година тој прифатил да земе 100.000 евра од претставници на фиктивната лобистичка организација "Тејлор Џоунс паблик аферс", создадена од весникот "Сандеј тајмс".

Весникот тврди дека пратеникот претходно побарал сума од 12.000 евра во замена за негова поддршка во ЕП на проект за измена на директивата за гаранција на депозитите.