Според ММФ, почеток на крајот на рецесијата
ММФ оцени дека светската економија почнува да се извлекува од рецесијата, но предупреди дека закрепнувањето ќе биде нерамномерно и бавно.
Податоците што ги објави главниот економист на ММФ, Оливие Бланшар, се за нијанса пооптимистички во однос на претходниот редовен извештај на Фондот објавен во април. „Наша процена за годинава е дека глобалниот БДП ќе падне за 1,4 отсто, а во следната година очекуваме растеж од 2,5 проценти“, рече Бланшар. Најбрзо ќе закрепнат земјите во развој, пред се', Кина и Индија, а најбавно развиениот свет. Причина за загриженост е очекувањето дека невработеноста ќе продолжи да се зголемува. (Макфакс)
|
