Партнерство меѓу ССК и Прокредит банка
Сојузот на стопански комори и Прокредит банка ја продлабочија соработката склучувајќи договор за партнерство. Цел на овој меѓусебен договор е засилувањето на поддршката на бизнис-заедницата, преку организирање заеднички активности кои во фокусот ќе ги имаат претпријатијата. Во рамките на партнерството, Прокредит банка и ССК ќе организираат и неколку бизнис-форуми, чија основна цел ќе биде размената на искуства и можности за развој на бизнисите.
„Речиси повеќе од 80 отсто од кредитното портфолио на ПроКредит го претставуваат бизнис-кредитите. И понатаму нашата мисија ќе биде поддршка на претпријатијата и на економскиот развој на Македонија. Имајќи ја предвид нашата мисија и мисијата на Сојузот на стопански комори, партнерскиот однос беше сосема логичен“, истакна генералниот директор на Прокредит банка, Јованка Јолеска-Поповска.
Соработката ќе биде насочена кон претставување на услугите и на можностите на Прокредит банка за финансирање на стопанството, бизнис- средби со фирмите-членки на ССК, како и организирање работилници за сметководители и финансиски менаџери на мали и на средни претпријатија. (Ек.Р) |
