Гечевски блиску до договор со Хемофарм
Македонскиот репрезентативец и долгогодишен член на Задар, Тодор Гечевски е блиску до договор со екипата на Хемофарм од Вршац. По завршувањето на сеозната тој реши да го напушти Задар иако таму ги доживеа најубавите моменти во кариерата. Се одлучи за промена на клупската средина и чекор понатаму во кариерата, а нова дестинација треба да биде ривалот на неговиот досегашен клуб во регионалната НЛБ лига.
Хрватските медиуми посочуваат дека Гечевски и Хемофарм веќе подолго време имаат контакти. Тоа го потврди и директорот на тимот од Вршац, Марко Ивановиќ. Покрај Гечевски, голема е веројатноста во Хемофарм да се пресели и Марко Мариновиќ, досегашен плејмејкер на Црвена звезда. |
