Надал во иднина само на Гренд-слем !?
Рафаел Надал во иднина најверојатно ќе настапува само на големите четири Гренд-слем турнири. Според, пишувањата на шпанските медиуми младиот светски рекет број 1 е толку начнат со повреди што едноставно мора да ја дозира својата програма.
Најдобриот светски тенисер, кој вчера можеше да му ја препушти првата позиција на АТП листата на Швајцарецот Роже Федерер (со победа во вчерашното финалето на Вимблдон над Родик), мора да ги смени приоритетите, тврдат и лекарите.
Надал, како што е познато не настапи на Вимблдон поради повредата на коленото, а специјалистите за такви повреди велат дека е неверојатно така млад човек да има таква повреда. „Неговите колена се како на 30 годишник, а не на дваесет“, кажаа лекарите по прегледите.
Сега е ред на Шпанецот, кој моментно се опоравува на Мајорка, да одлучи дали ќе ги послуша стручните лица. Според, личниот лекар Руиз Котор, Шпанецот би требало да биде подготвен за игра за три до четири недели. Тој треба најпрвин да се појави на турнирот Мастерс 1.000 во Монтреал, а потоа ќе следат подготовки за Ју-Ес опен, еден од четирите Гренд-слема. |
