Бразил почна војна со наркомафијата

Рио де Жанеиро - Неколку стотици војници и полицајци од бразилските елитни единици вчера почнаа офанзива против бастионот на наркошверцерите во едно од предградијата на Рио де Жанеиро, пренесоа агенциите.

Во предградието, кое опфаќа 15 помали квартови (фавели), веќе извесно време се населени 600 наркошверцери.

Над квартовите прелетуваа воени хеликоптери и се слушаше жестока престрелка.

Властите на Рио мобилизираа вкупно 2.600 војници и полицајци, поддржани од хеликоптери, блиндирани транспортери и тенкови, во битка со шверцерите на наркотици во сиромашните предградија на градот.

Локалните власти вчера на шверцерите им поставија неколкучасовен ултиматум за да се предадат. Тие, меѓутоа, го отфрлија. Се предаде само еден - десната рака на голем наркобарон.

Целата операција за борба со наркошверцерите во Рио има цел да стави крај на бранот напади и палења автомобили што почна пред една недела. Најмалку 35 лица беа убиени од почетокот на ова насилство. (МИА)