Венецуела доби четири милијарди за оружје

Каракас - Русија и' додели на Венецуела кредит од четири милијарди долари за купување руско оружје, вчера соопшти венецуелскиот претседател Уго Чавес, пренесоа агенциите.

Чавес веста ја соопшти на церемонијата по повод 90-годишнината на венецуелските воено-воздушни сили.

Кредитот бил договорен за време на неговата посета на Москва минатиот месец.

Уго Чавес не прецизира какво оружје ќе се купуваат со четирите милијарди долари. (МИА)