Монкур починал од срцев удар
Францускиот тенисер Матје Монкур (24) веројатно почина од срцев удар. Ова го покажуваат првичните наоди од аутопсијата, а до крајот на оваа недела ќе биде познато дали во неговото тело има траги на дрога или медикаменти за што се шпекулира во кулоарите.
Монкур беше пронајден во вторникот како лежи мртов во близина на неговиот стан во околината на Париз. Тој беше 119 на АТП ранг листата. Неодамна почна да ја издржува петнеделната забрана за настап на турнирите поради обложување на тениски мечеви.
Ненадејната смрт на Монкур посебно тешко му падна на Рафаел Надал, кој му беше голем пријател. | 
