Наградниот фонд на Ју-Ес опен повисок за 21,6 млн. долари
И покрај економската и финансиска криза во светот, организаторите на последниот сезонски Гренд слем турнир, Ју-Ес опен, решија да го зголемат наградниот фонд за тенисерите и тенисерките. Турнирот во Њујорк кој ќе започне на 31 август ќе биде „потежок“ за 21,6 милиони американски долари.
Во наредното издание на Флешинг Медоу не ќе има намалување на наградите за победниците, па така најдобрите во обете конкуренции ќе добијат по 1,6 милиони долари. Кон нив вреди да се напоменат и можните парични добивки на тенисерите и тенисерките од настапите на турнирите во Ју-Ес опен низата. Серијата ќе стартува на 19 јули во Индијанаполис, ќе трае шест недели во кои ќе се одржат 10 АТП и ВТА турнири со вкупен награден фонд од 30 милиони американски долари.
Доколку победникот во серијата го освои и Ју-Ес опен, како што тоа го стори Федерер во 2007 година, ќе добие плус еден милион долари бонус, а бонуси се предвидени и за вторите и третите финалисти во серијата. |
