Поп Ацев 15., Димовски 19. во Росарио

Македонските пливачи на долги патеки Евгениј Поп Ацев и Илија Димовски со незабележителен настап на стартот на сезоната во маратонско пливање во Аргентина. Поп Ацев го освои 15. место во трката од Гран-при серијата на ФИНА во Росарио, со награден фонд од 10.000 долари, а Димовски заврши претпоследен во конкуренција на 20 натпреварувачи. Шестопласираниот во вкупниот поредок минатата сезона ја исплива патеката долга 15 км за 2:16,50 часа, а човекот што лани го преплива Ла Манш оствари време 2:30,48 ч. Обајцата освоија по два бода и наредниот викенд ќе учествуваат во трката во Санта Фе, со должина од 57 км и со награден фонд од 11.000 долари.

Во Росарио пријатно изненадија победникот Франсиско Хервас од Шпанија со време 2:02,55 ч. и второпласираниот Белгиец Брајан Рикеман, а третото место го освои Александар Стуџински од Германија. (Р.Д.)