Грција го исплати стасаниот долг од девет милијарди евра

Атина - Грција вчера исплати долг од девет милијарди евра, откако во последен момент, избегнувајќи банкрот, доби специјални кредити од ЕУ. Исплаќањето на долговите од десетгодишните обврзници предизвика опасност Грција да стане платежно неспособна. Неколку месеци овие опасности ја поткопуваат основата на еврото и создаваат потреси на меѓународните пазари.

Претставници на грчкото министерство за финансии соопштија дека земјата успеала да го исплати долгот, откако вчера од ЕУ го добила спасувачкиот кредит од 14,5 милијарди евра.

Следната транша од ММФ и од ЕУ ќе биде доделена во август, за да може Грција да го запази следното исплаќање на долгот во март следната година. (МИА)