Гордон Браун: Цел свет контра протекционизмот
Лондон – „Целиот свет би требало да се обврзе дека ќе му се спротивстави на протекционизмот“, изјави британскиот премиер Гордон Браун по разговорите што ги имаше вчера во Лондон со претседателот на Европската комисија, Мануел Баросо. Тој уште еднаш се заложи дека е потребен „заеднички одговор“ на светот на сегашната глобална финансиска криза и рецесијата, но не со затворање на пазарот, туку со отворањето на трговските врски, со што ќе им се помогне и на најнеразвиените и на најпогодените со кризата во нивните настојувања да ги надминат тешкотиите.
Браун објасни дека светот бележи голем пад на светската трговија, што не би требало, сепак, да се решава како во триесеттите години на 20 век, по тогашната светска рецесија. „Тогаш државите реагираа со воведувањето тврди протекционистички мерки, меѓутоа сега би требало протекцинизмот да се спречи, така што директно ќе се удри по него“, рече британскиот премиер.
Претседателот на ЕК, Баросо, рече дека верува во тоа оти ЕУ има решение за излез од кризата, дека Европа и светот мора да се спротивстават на „економскиот национализам“ и на протекционизмот. (МИА) |
