Карлос Билјардо со непристојна понуда до аргентинските играчи

Советникот на Марадона подготвен за сексуално искористување од играчот што ќе постигне гол за титула

Карлос Билјардо, ментор на Диего Марадона на клупата на Аргентина, упати непристојна понуда до стрелецот на гол во финалето на Светското првенство во Јужна Африка кои би ги однел „гаучосите“ до титулата. Притоа Билјардо го понуди своето тело на човекот кој ќе им донесе светска шампионска титула на Аргентинците што би била прва за нив по 1986 година кога токму Билјардо беше селектор на националниот тим.

„Подготвен сум за сексуално искористување од играчот што ќе постигне гол за титула во финалето“, рече Билјардо.

Зачудените новинари побараа објаснување од 71 годишниот стручњак за ваквата негова понуда.

„Знам дека ќе боли и дека луѓето ќе речат дека тоа е лудост. Но, тоа не ме интересира мене ако станеме светски прваци“.

Ваквата изјава на Билјардо беше дочекана со измешани чувства од аргентинските фудбалери.

„Ако јас го постигнам голот нека бега подалеку од мене“, порача играчот на Манчестер Сити, Карлос Тевез.

За разлика од него помалку погоден беше Мартин Палермо.

„Само јас да го постигнам тој гол, после ќе биде лесно“.

Покрај првата изјава Билјардо даде уште една, нешто помалку контроверзна.

„Мислам дека фудбалерите треба да уживаат во секс за да избегнат повреди. Притоа тие треба само да лежат, а жените да бидат одозгора“, додаде Билјардо, кој патем по вокација е гинеколог.