Хамбургер го избрка Лабадија по срамниот пораз од Хофенхајм

Управата на Хамбургер одлучи да го смени тренерот Бруно Лабадија по катастрофалниот пораз во неделата од Хофенхајм (1:5). Тоа беше втор пораз во последните три меча за Хамбургер во Бундеслигата, а кога на тоа ќе се додаде и бледиот меч против Фулам во полуфиналето од Лига Европа (0:0), јасно е зошто челните луѓе го загубија трпението.

Лабадија во последно време имаше судир со некои играчи, меѓу кои и Петриќ и Франк Рост, а наводно, постепено целата соблекувална се завртела против него. Сега тимот кој се наоѓа на седмото место во Бундеслигата, без шанси за пласман во европските натпреварувања, ќе го води помошникот на Лабадија, Рикардо Мониз.

Руни наЈдобар во изборот на сите играЧи

Вејн Руни, напаѓачот на Манчестер Ј. и на англиската репрезентација, е добитник на наградата за најдобар фудбалер во Англија за сезоната 2009/12010.

Годишната награда ја доделува Здружението на професионални фудбалери од чии редови самите играчи го бираат најдобриот, а Гордон Тејлор, нејзиниот извршен директор, изборот го пропрати со следниве зборови: „Вејн сезонава, во својата нова улога, е апсолутно феноменален. Кога Роналдо беше во тимот улогата на Вејн беше споредна, а сега е напаѓач и стрелец број еден. Не само во Англија, тој е еден од најдобрите во светот“.

Досега повредениот Руни има постигнато 34 гола, од кои 26 во 30 одиграни натпревари во Премиерлигата. Иако има само 24 години, Руни зад себе веќе има три титули во Премиерлигата, два Карлинг купа, како и титула во Лигата на шампионите.

Минатата година најдобар во овој избор беше Рајан Гигс, а пред него два пати наградата одеше кај Роналдо. Во 2005 и во 2006 година Руни беше прогласуван за најдобар млад фудбалер, а сега тоа признание му припадна на Џејмс Милнер од Астон Вила. Тимот на сезоната изгледа вака: Харт, Ивановиќ, Вермален, Дан, Евра, Фабгрегас, Милнер, Флечер, Валенсија, Руни, Дрогба.