Нафтата поскапе на 53 долари
Њујорк/Лондон - Цената на нафтата вчера се приближи на нивото од 53 долари за барел, што е најголема котација од 1 декември минатата година. Слабеењето на вредноста на доларот, според оцените на берзанските експерти, е главна причина за зголемувањето на цената на оваа енергетска суровина од приближно 20 долари за барел во однос на декемвриското ниво. За порастот на цените придонела и очекуваната најава за реализација на планот на американскиот претседател Барак Обама со сума од илјада милијарди долари да се откупат т.н. токсични акции од загрозените банки. Американската „лесна“ нафта вчера достигна 52,71 долар за барел. Истовремено, европската нафта „брент“ изнесуваше 51,84 долари за барел. (МИА) |
