Изборите не ја потресоа Берзата
Изборите воопшто не влијаеја на движењата на Македонската берза. На вчерашното тргување индексите отидоа благо во зелено, но овој тренд трае уште од минатата недела. Иако можеби се очекуваше дека одржувањето мирни и фер избори ќе влијаат позитивно на Берзата, движењата говорат дека состојбата на Берзата речиси и не се промени. Поточно, македонскиот берзански индекс МБИ 10 вчера порасна за само 0,39 отсто, а беше остварен вообичено низок промет од 16,3 милиони денари. Според некои од аналитичарите, претседателските и локалните избори не влијаат многу на економијата во една држава, туку тоа повеќе важи за парламентарните избори, па од тие причини, Берзата вчера многу не се потресе од изборниот процес. (С.М.) |
