Ангела Меркел: Државата нема да купи дел од „Опел“
Берлин - Германскиот канцелар Ангела Меркел официјално ја отфрли можноста државата да купи дел од „Опел“ за да го спаси од банкрот автомобилскиот производител. Идејата за директно мешање на државата во „Опел“, кој е сопственост на американската компанија „Џенерал моторс“, беше спомната вчера од министерот за труд, Олаф Шолц, од Социјалдемократската партија, коалициски партнер во владата
на Меркел. „Не треба да стравуваме од таа идеја“, изјави тој во интервју за весникот „Билд“, но додаде оти таа мерка не треба да биде долгорочна.
Во интервју за германската телевизија Меркел рече дека Владата нема намера да купува директно дел од „Опел“. Според неа, вакво решение не би била добра новост за службениците на „Опел“. Компанијата „Опел“, во која во Германија работат над 26.000 луѓе, бара 3,3 милијарди евра од германската држава за да се спаси од банкрот. Берлин
бара од Вашингтон да добие прецизен план за спас на „Опел“ и за иднината на „Џенерал моторс“. (МИА) |
