Европската економија порасна за 1,9 отсто во вториот квартал

Брисел - Бруто домашниот производ во Е��ропската унија во второто тримесечје се зголемил за 1,9 проценти на годишно ниво, додека Бугарија и Романија забележиле пад од 1,5 отсто, п окажуваат податоците на европската статистичка служба Евростат. Во споредба со првото тримесечје, БДП во Унијата и во еврозоната се зголемил за еден процент, во споредба со порастот од 0,3 отсто во претходните три месеци.

Евростат потврди дека најголемата европска економија - Германија забележала раст од 2,2 процента, наспроти првите три месеци во годинава. На годишно ниво зголемувањето изнесува 3,7 отсто. (МИА)