Љубоморен маж уби четири лица во Мајами
Жител од Мајами вознемирен поради аферата на неговата поранешна сопруга со помлад маж, во неделата упадна на забава и ги уби сопругата, ќерката на сопругата, бабата и момчето. Пред да го стигне полицијата, тој ги запалил неговата куќа и камионот, а потоа се застрелал. „За жал, пет лица загинаа како резултат на домашна расправија“, рече портпаролот на полицијата од Мајами, Кенија Алфонсо.
Во неделата попладне детективите започнаа истрага за второто повеќекратно убиство и самоубиство што се случи за три недели во округот Мајами-Дејд. Минатиот месец лице од јужниот округ Мајами-Дејд, ја уби сопругата и двете ќерки-тинејџерки, а потоа се самоуби.
Во инцидентот во неделата полицијата не ги идентификуваше убиецот ниту, пак, жртвите, но соседите изјавија за „Мајами хералд“ дека убиецот е Гилермо Лопез (49). Неговата поранешна сопруга е идентификувана како Лазара Мендез (50), која работеше како благајник во популарниот кубански ресторан „Ла хабана виеха“ на „Корал веј“. Двојката, според записите од округот Мајами-Дејд, се венчала во 2005 година, а соседите јавија дека тие се разделиле пред околу еден месец. („Мајами хералд“) |
