За секој турски кошаркар по еден милион долари!

Хрватска ги понижи своите златни ватерполисти на ЕП со по 4.000 евра

Турскиот премиер Реџеп Таип Ердоган одлучи богато да ги награди репрезентативците на Турција и членовите на стручниот штаб за сребрениот медал на светското првенство, што се одржа во нивната земја. Имено, секој играч ќе добие награда од 1,5 милиони лири, односно околу еден милион долари и плус 500 златници, кои се вредни околу 200.000 лири.

Турција првпат во својата историја се искачи на победничките скали откако во финалето беше поразена од САД 64:81. Сите играчи на Турција уживаат во статусот на национални херои.

Од друга страна, хрватските ватерполисти, кои пред неколку дена се искачија на европскиот врв добија по 27.000 куни (околу 4.000 евра), а стручниот штаб на чело со легендарниот Ратко Рудиќ дури и помалку. „Сериозно ќе размислам дали ќе примам ваква награда. Не поради износот, туку поради тоа што се чувствуваме понижени. Спортот не смее да има таков третман“, изјави Рудиќ.