Меси стана најдобар стрелец на Барса во ЛШ

Можеше да постигне и хет-трик, ама промаши пенал. Но и така со двата постигнати гола Лионел Меси може да биде задоволен. Имено, со нив Меси има вкупно 27 гола во Лигата на шампиони, со што стана најдобар стрелец на Каталонците во најреномираното натпреварување. Досега таа чест ја делеше со Ривалдо. Патрик Клајверт има 21 гол, а Луис Енрике 20.

„Промашениот пенал не ме загрижува, иако поради него ��е обидував да се искупам со уште еден гол. Кога се' ќе се собере победивме, а јас сум двоен стрелец“, изјави Меси.

Инакук, Барса против Панатинаикос одигра ретко виден натпревар. Акциите по кои беа постигнати петте гола беа како на плејстејшн. Магични додавања, ингениозни потези, совршена перцепција и движења. Мајсторство за домаќинот, понижување за Панатинаикос, кој дури и поведе.

„Не е лесно да се игра вака добро. Одигравме фантастично ама немам намера сега да се удирам во гради. Да се создадат повеќе од 20 шанси против клуб кој е првак на Грција значи дека добро работите. Меси? Кога промаши пенал нешто промрморе. Многу е самокритичен, го боли кога ќе промаши. Мислам дека тој е најдобар во светот и тоа со голема предност во однос на останатите. Тие нема да го дофатат“, вели тренерот на Барселона, Гвардиола.