Валенсија претрпе стравотна скршеница на глуждот

Се играше второто полувреме од битката за Британија меѓу Манчестер Ј. и Глазгов Ренџерс (0:0), а Валенсија на десната страна влезе во дуел со дефанзивецот на Глазгов Ренџерс Кирк Брадфут. Стартот беше чист, меѓутоа ногата на Валенсија заглави меѓу телото на Шкотот и тревата, што резултираше со стравична повреда. Валенсија беше во шок, а Брадфут итно ги повика лекарите.

Валенсија доби кислород и беше префрлен во болница, од каде лекарите потврдија дека станува збор за дислокација на десниот глужд. Тешката скршеница ќе го оддалечи подолго време Валенсија од терените. „За него сезоната, за жал, е завршена. Кога почнаа да викаат играчите на Ренџерс знаевме дека е нешто лошо. Валенсија го погоди истата повреда како и нашиот бивш напаѓач Алан Смит во 20006 година“, изјави разочараниот Алекс Фергусон, кој против Глазгов на терен прати 10 нови играчи во однос на тимот што одигра 3:3 со Евертон во Премиерлигата (во тој меч „бебињата“ водеа со 3:1, а во судиското продолжение примија два гола).

„Знам дека ќе ме критикувате што не сум го одбрал најсилниот состав, ама јас имав впечаток дека тој е најсилен. Сакав да проверам дали Чикарито (Хавиер Хернандез) ќе се снајде во целиот натпревар. Можеби погрешив што не му дадов шанса на Бербатов, кој игра во добра форма и е еден од нашите најдобри играчи сезонава. Неговата способност да креира нешто во вакви натпревари можеше да донесе разлика. Требаше да победиме, но мора на крајот да го пофалиме Ренџерс кој се бранеше добро и организирано“, додаде Фергусон.

Резултати од 1.коло во Лш

Група А

Твенте - Интер 2:2

Вердер - Тотенхем 2:2

Група Б

Бенфика - Хапоел 2:0

Лион - Шалке 1:0

Група Ц

Бурса - Валенсија 0:4

Манчестер Ј - Ренџерс 0:0

Група Д

Барселона - Панатинаикос 5:1

Копенхаген - Казан 1:0