Илиевски на клупата на Бангладеш

Како што објави Ројтерс, бившиот селектор на македонската фудбалска репрезентација Никола Илиевски-Џиџи вчера е назначен за нов селектор на репрезентацијата на Бангладеш. До неодамна во преговори за таа функција беше и уште еден наш бивш селектор, Ѓоре Јовановски, но тој, според Ројтерс, добил отказ само неколку дена откако станал селектор, бидејќи не сакал да патува во Пакистан на претквалификацискиот двомеч од азиската зона за Светското првенство 2014.

„Тој ни кажа дека ќе дојде по двомечот со Пакистан. Во таа ситуација, ние немаше што друго да правиме освен да го откажеме неговото назначување за селектор“, изјави Бадал Ројн, претседател на Фудбалската федерација на Бангладеш.

На сето ова Јовановски вчера се насмеа: „Имавме недоразбирања околу финансискиот дел. Јас сум професионалец. Ако требаше ќе патував и во Авганистан“, вели Јовановски.