Светската ватерполо круна за Италија

Италија се врати на врвот на светското машко ватерполо, изборувајќи се за златниот медал на Мундијалот во Шангај во конкуренција на ексјугословенските републики. Климаксот на 14-дневниот ватерполо турнир се случи во финалето во базенот „Нататориум“, во кое Италијанците и' ја одзедоа светската круна на Србија со победата од 8:7 по продолженијата. Во основниот дел спектакуларниот меч заврши нерешено 6:6, првото продолжение им припадна на „аѕурите“ со 2:1, а во второто немаше голови.

Во натпреварот имаше од се' по нешто, па дури и премногу: полни трибини, „поцрвенети“ играчи и селектори, расправија меѓу нив покрај базенот и огромно славење на Италијанците. Тие им се реваншираа на Србите за идентичниот пораз во финалето на Светската лига неодамна во Фиренца.

Бронзениот медал го освои европскиот првак Хрватска со победата во малото финале над олимпискиот шампион Унгарија од 12:11.