Пауел против Болт на 100 м во Лондон
Јамајчанецот Асафа Пауел ќе му се спротивстави на сонародникот Јусеин Болт на 100 м на гран-при митингот во Лондон на 24 јули, соопшти организаторот. Поранешниот светски рекордер Пауел, кој славеше во трите последни трки во Кристал Палас со време под 10 секунди, е последниот што го победи трикратниот олимписки првак и светски рекордер Болт во Стокхолм пред една година.
Болт ќе трча и во штафетата 4х100 м во Кристал Палас ден подоцна, а Пауел, кој беше последна замена на Јамајка кога го освои златото на ОИ во Пекинг минатата година, нема да биде дел од тимот. |
