Фудбалски вести
Трансвеститот на Роналдо почина од сида
Андре „Андреија“ Албертини, еден од тројцата трансвестити кои беа вмешани во секс скандалот со Роналдо, кој се случи минатата година почина од сида. Според, мајката на Албертини нејзиниот син вирусот го добил 2006 година, што значи дека веќе бил заразен, кога изби аферата. Навивачите на Гремио пред мечот со Коринтијанс за кого игра Роналдо, направија видео во кое починатиот се појавува во дресот на „Ил феномено“.
Лаиса најсекси крило во светот
Бразилците тврдат дела Лаиса Андриели (21) е најдоброто нешто што „кариоките“ му го дале на фудбалот. Станува збор за репрезентативната напаѓачка, која е прогласена за најсексапилна фудбалерка во светот. Откога таа се појави на теренот рапидно се зголеми интересот за женскиот фудбал. За неа велат дека е брза и има добар „нос“ за гол, а посебно ја истакнуваат нејзината одлична техника. Бразилката ги красеше насловните страници на многу весници и магазини, на кои главно беше сосема гола.
Гром повреди 25 фудбалери и гледачи во Австрија
Во австриското гратче Лобен за малку ќе се случеше незапаметена трагедија. Гром повреди 25 фудбалери и гледачи, но за среќа никој смртно не страдаше. „Громот повреди многу луѓе при тренингот на тимот. Повеќето повредени се членови на полицискиот аматерски клуб. Беше грозна да се гледа како луѓето одеднаш паѓаат на земјата“, објави спасувачката служба на градот.
Адебајор го мина лекарскиот преглед, се чека потпис со Сити
Напаѓачот на Арсенал Емануел Адебајор ги мина лекарските прегледи и вчера се очекуваше и официјално да потпише со Манчестер Сити. Репрезентативецот на Того по три години минати во Арсенал би требало наредните пет да ги игра за Сити. За него Арсенал ќе добие 25 милиони фунти, додека тој ќе заработува околу 130.000 фунти неделно. Како што е познато, покрај Адебајор во Сити дојдоа Тевез, Роке Санта Круз и Герет Бери.
Раул одушевен од Роналдо уште на првиот тренинг
Капитенот на Реал Мадрид и легендата на шпанскиот фудбал Раул уште по првиот тренинг смета дека доведувањето на Роналдо е полн погодок. Фудбалерите на Реал во вторникот во Ирск�� ги почнаа подготовките за новата сезона, во која влегуваат со максимални амбиции. Тоа не е ни чудо ако се знае дека на „Бернабе“ дојдоа Кака, Роналдо, Бензема, Албиол. „Нема многу фудбалери на светот како што е Роналдо. Нема ниту многу клубови, како што е Реал и ние го сакаме најдоброто. Затоа е Роналдо тука“, изјави Раул. |
