Бугарски холдинг БЕХ ќе се шири и во Македонија
Софиjа - Бугарскиот енергетски холдинг (БЕХ), планира експанзија на соседните пазари во ЈИЕ, преку формирање заеднички фирми, а приоритет и е македонскиот пазар. Ова вчера го изјави директорот на компанијата, Галина Тошева, во интервјуто за „Сињуз“, прецизирајќи дека нејзината компанија ќе учествува во истражување во гасниот сектор. Компанијата најнапред ќе се насочи на македонскиот пазар, а потоа ќе се концентрира на други пазари, при што Србија и Албанија се последната фаза. Тошева македонскиот пазар го оцени како „мошне интересен“, со оглед на очекувањата за брз развој на енергетскиот сектор и фактот што македонските власти најавија тендер за хидроцентрали. БЕХ во Македонија планира да се ангажира во гасниот сектор. Имено, пред една година „Булгаргасхолдинг“, кој подоцна влезе во БЕХ, објави заедно со француската компанија „Далкиа“ дека планираат учество во проект со гас во Македонија, вреден 100 милиони евра. (Макфакс) |
