Депонијата „Русино“ е незаконски затворена
ГОСТИВАР - Одлуката на Советот на Општина Гостивар за затворање на депонијата „Русино“ е спротивна со Законот, со соопштение реагираше Министерството за животна средина. Притоа, укажува дека со затворањето на депонијата ќе се предизвика загадување на животната средина на поширок план во Полошкиот регион.
Реагираше и градоначалникот Руфи Османи, кој е убеден дека Советот на Гостивар постапил во законски рамки, бидејќи станува збор за дива депонија.
„Одлуката на новата локална власт е во длабок конфликт со законите на оваа област, кои се усогласени со регулативата на ЕУ. Според Законот за отпад, депонија може да затвори орган на државната управа надлежен за животната средина“, се потенцира во соопштението. (К.К.) |
