Џими Џамп казнет со 210 евра

Многу светски спортски случувања во последно време не можат да минат без Џими Џамп, 36 годишниот Каталонец, најпознатиот егзибиционист на планетата. Неговото вистинско име е Жауме Маркет Кот. Во неделата втрча во терен на „Сокер сити“ стадионот во Јоханесбург, непосредно пред излегувањето на тревник на фудбалерите на Шпанија и Холандија во големото финале на Светското првенство. Трчаше низ теренот кон пехарот наменет за светскиот првак. Имаше јасно видлива намера, на „главата на трофејот“ сакаше да стави каталонска беретка, но во последен момент беше спречен од лицата за обезбедување кои со скок врз него го соборија на тревата.

Џими Џамп заврши во притвор, но неговата мисија донекаде е исполнета. Успеа да влезе на терен во финале на СП иако не успеа да ја стави каталонската беретка каде што сакаше. За чинот ќе мора да плати казна од 210 евра, како што кажа еден од неговите блиски пријатели.