Бахреин, најверојатно, отпаѓа
Годинашната трка за Големата награда на Бахреин најверојатно ќе биде откажана поради противењето на тимовите, изјави првиот човек на Формула 1, Берни Еклстоун.
„Се надевам дека ќе биде мирно и тивко и оти ќе можеме да се вратиме таму во иднина, но, се разбира, не сега“, изјави 80-годишникот за Би-Би-Си. „Распоредот не може да биде променет без согласност на учесниците. Тоа се фактите“.
Трката во заливското кралство прво беше предви��ена за 13 март, но мораше да биде одложена поради граѓанските немири во државата. ФИА во петокот соопшти дека гран-прито ќе биде поместено за 30 октомври, датум што беше резервиран за инаугуралната трка во Индија, но екипите го одбија тоа, а нивната писмена согласност е потребна за каква и да е промена во календарот. |
