Ирена Танеска и Матеј Јосифовски
Претставници на „Најдобар светски модел 2008“
Годинашните победници на изборот за „Најдобар модел на Македонија 2008“, Ирена Танеска од модното студио „Црнокрак“ и Матеј Јосифоски од модната агенција „Моделс“ , вечерва ќе настапат на светскиот избор, што по 21. пат се одржува во Истанбул, Турција. Ирена и Матеј беа избрани на официјалниот избор за најдобар модел на Македонија што се одржа во хотел - казиното „Фламинго“ и како победници ќе ја имаат честа да ја претставуваат Македонија. Изборот ќе се пренесува на турскиот сателитски Канал 1. Изборот е светски познат по настапите на Наоми Кемпбел, Ева Херцигова и други врвни имиња од светот на модата. Кореограф на светскиот избор е познатиот Угуркан Ерез. Учесниците ќе ја претставуваат Македонија под уставното име, а минатата година Македонија доби Златната плакета за најдобро организиран избор на светско ниво. Организатор и сопственик на лиценцата за Македонија е Џенк Ајваз. |
