ЏЕСИКА СИМПСОН
Восхитена од религијата по „Кодот на Да Винчи“
Актерката и пејачка во обид Џесика Симпсон изјавила дека е подготвена да ја замрзне својата кариера на одредено време и да се посвети на изучување на религијата и на филозофијата, а како главна инспирација го навела документарниот филм „Кодот на Да Винчи“. Според книгата со ист наслов беше изработен и филм. Станува збор за еден од најпродаваните и најконтроверзни бестселери, дело на писателот Ден Браун.
Пејачката открила дека ќе се посвети на целосна контемплација во изучувањето на религијата, а за се' е виновен документарецот, кој се емитувал на каналот Дискавери. „Ја сакам религијата. Се сеќавам дека кога се објави книгата ’Кодот на Да Винчи‘, каналот Дискавери одлучи да направи документарец во три продолженија. Тогаш ги снимив и ги гледав дури осум пати“, се пофалила Симпсон, додавајќи дека навистина била возбудена бидејќи на колеџот каде што е запишана ќе има можност да го слуша предметот религија. |
