Намален бројот на работниците во индустријата
Бројот на работниците во индустријата во февруари во однос на истиот месец лани е намален за 4,4 отсто, објави Државниот завод за статистика. Споредено со просечниот број работници во 2005 година, бројот на работниците во индустријата во февруари е намален за 9,4 отсто. Најголем пад на вработеноста е забележан во секторот вадење руди и камен, по што следуваат преработувачката индустрија и секторот снабдување со електрична енергија, гас и вода. Намалувањето на работниците е последица на падот на индустриското производство, кое во февруари беше пониско за 11,3 отсто во однос на истиот период лани. (Ек.Р.) |
