Се произведе првото „пунто“ во крагуевачка „Застава“
Крагуевац - Фабриката за автомобили „Застава“ вчера го промовираше првото „пунто 188“, од пробната серија од 35 автомобили, кој ја носи ознаката „фијат“.
Промоцијата на првиот примерок на „пунто“, кој има боја на песок, со сериска ознака 7.000.001, помина без голема прослава, но во присуство на многубројни новинари и сниматели.
Како што најави претседателот на УО на италијанската фабрика за автомобили „Фијат“, Џовани Дефилипис, дневно ќе се произведуваат 20 возила, а до крајот на следниот месец дневното количество би требало да биде зголемено на 100.
Со субвенционирано кредитирање од државата, за купување на автомобилите „пунто“, произведени според лиценца на „Фијат“, чекаат речиси 20.000 граѓани на Србија. (МИА) |
