Леброн Џејмс ги стивна навивачите на Кливленд

Мајами Хит славеше со 118:90 благодарение на бившиот коњаник

Леброн Џејмс успеа да ги смири непријателските трибини во арената во Кливленд, истите тие кои до ова лето напросто го обожаваа. По првпат еден од најдобрите кошаркари на денешницата се врати в Кливленд, град и тит во кој играше седум години и успеа да стигне до два едноподруго наслови најкорисен играч на НБА-лигата. И одигра на ниво на кое повеќето од публиката во Кливленд сака да го гледа. Нивниот проблем беше што рекордот на оваа сезона го оствари во дресот на Мајами Хит, попатно нанесувајќи му го на Кливленд најтешкиот пораз. Беше 118:90.

Леброн Џејмс мечот го заврши со 38 поени, а доде пет скокови и осум асистенции. Големата концентрација и мотивираноста резултираа со тоа што Џејмс првпат оваа сезона не загуби ниту една топка.

„Исклучително го почитувам овој клуб и навивачите. Заедно се развивавме од 17. победа во сезоната до последните две кога бевме најдобар тим во основниот дел. Ја разбирам фрустрацијата на овие навивачи, кои исклучително ги ценам, но фрустриран бев и јас затоа што не можевме да го освоиме тоа што го сакавме. На Кливленд и на неговите навивачи им посакувам се' најдобро“, изјави Џејмс кои се соочи со негодување од публиката кога ја имаше топката во рацете.

На висина на задачата беше и Двејн Вејд со 22 поени, девет скокови и девет асистенции. Џејмс Џонс додаде 18 коша и шест скока, а Крис Бош 15 поени и пет фатени топки во можеби најдоброто издание на Мајами во оваа сезона.

Во вториот меч Феникс на гости го совлада Голден стејт вориорс со 107:101, и покрај извонредната игра на Монти Елис (38 скока, четири скока, седум асистенции). На другата страна, Стив Неш постигна 13 коша и 16 асистенции со што го израмни сезонскиот рекорд. Ова беше 9. победа на Феникс во последните 11. соочувања со Голден стејт, кои се во низа од четири домашни порази и седум од последните осум натпревари.

Резултати: Кливленд - Мајами 90:118, Голден стејт - Феникс 101:107.

Табели

Источна Конференција:

1. Бостон 14-4

2. Орландо 14-4

3. Атланта 12-7

4. Чикаго 9-7

5. Мајами 12-8

6. Индијана 12-8

7. Њујорк 10-9

8. Торонто 7-11

9. Кливленд 7-11

10. Милвоки 6-12

11. Шарлот 6-12

12. Њу Џерси 6-13

13. Детроит 6-13

14. Вашингтон 5-12

15. Филаделфија 5-13



Западна конференција:

1. Сан Антонио 15-3

2. Далас 14-4

3. Јута 15-5

4. ЛА Лејкерс 13-6

5. Њу Орлеанс 13-5

6. Оклахома 13-6

7. Денвер 11-6

8. Феникс 9-9

9. Портланд 8-10

10. Мемфис 8-11

11. Голден стејт 8-11

12. Хјустон 6-12

13. Сакраменто 4-12

14. Минесота 4-14

15. ЛА Клиперс 4-15