Нема да запрат нападите врз Либија

Лондон- Британскиот министер за одбрана, Лијам Фокс, изјави вчера дека бомбардирањето на територијата на Либија ќе трае се' додека е во сила Резолуцијата на ОН.

Од почетокот на јуни се одвива нејзиното продолжување од уште три месеци, што треба да заврши на почетокот од септември годинава. Ова е првпат досега еден британски министер да постави рок за воената интервенција против силите на полковникот Моамер Гадафи и тоа да го поврзе за резолуцијата на Советот за безбедност на ОН..

Досега неколкупати министерот Фокс, како и премиерот, Дејвид Камерон, и министерот за надворешни работи, Вилијам Хејг, тврдеа дека учеството на Велика Британија во либиската војна „нема рок“, како и дека воената интервенција ќе трае се' додека „не бидат исполнети целите на мисијата и Гадафи не биде тргнат од власт“.

Русија и Кина, како постојани членки на Советот за безбедност со право на вето, веќе го предупредија Запад дека обемот на бомбардирањата ги надмина рамките на кои беше поставена Резолуцијата. Таа првично требаше да спречи насилство врз цивилите од либиската армија и да воспостави зона за забранети летови над либиската територија.

„Сандеј тајмс“ смета дека по убиството на бунтовничкиот генерал Абдел Фатех Јунес, кого го ликвидираа исламистите во бунтовничките редови на чие цело тој се наоѓаше, работите во Либија наместо подобри стануваат се' полоши, додека проториевскиот „Сандеј телеграф“ забележува дека убиството на г��нералот се случи во најтешкото време за владата во Лондон веднаш по признавањето на власта на бунтовниците, што го става под дилема целото британско учество во војната во Либија.