Брет Фавре оствари рекордни 500 додавања за тачдаун

Додавачот на НФЛ тимот Минесота Викингс Брет Фавре (41) стана прв играч на НФЛ (професионалната лига на американскиот фудбал) со остварени 500 додавања за положување (тачдаун).

Тоа на Фавре му успеа во третата четвртина од мечот против Њујорк, кога неговата асистенција успешно ја реализираше Ренди Мос.

На крајот натпреварот заврши со победа на Њујорк од 29:20. Три акции пред рекордот Фавре стана и играч во лигата со комплетирани 70.000 јарди.

Фавре 20 сезони е дел од НФЛ лигата и е единствен играч кој три пати едноподруго бил прогласуван за најкорисен играч (од 1995 до 1997).