Немањето ХАСАП затвори 32 објекта

Дирекцијата за храна затвори 32 угостителски објекта поради немање ХАСАП-систем, информираше Министерството за здравство. Инспекторите направиле проверка во околу 130 објекти каде што се служи и се подготвува храна. Околу 57 објекти ги исполнувале сите услови на ХАСАП-системот. „Службените контроли се извршија без најава поради целосен успех на акцијата. Од вкупниот број контролирани објекти, ХАСАП го имлементирале 57 објекти. Во фаза на имплементација се 44 објекти. ХАСАП немаат имплементирано 32 објекта. Поднесени се 32 барања за поведување прекршочни пријави до надлежните судови и се издадени 32 решенија за привремено затворање на објектите до исполнување на законските обврски“, се вели во информацијата од Министерството за здравство. Контролата била направен според акцискиот план на Дирекцијата, а неа ја реализирале 40 инспектори. (Ек.Р.)